ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានផ្ដាំថាក្នុងឋានៈសម្ដេចជាប្រធានគណបក្សប្រជាជន សម្ដេចមិនឱ្យអ្នកឯងមកប្រមាថគណបក្សប្រជាជនកម្ពុជានោះទេ។ សម្ដេចបញ្ចាក់ថា ពីថ្ងៃនេះទៅមិនលើកលែង និងមិនអត់ឱនដល់អ្នកដែលប្រមាថគណបក្សប្រជាជននោះឡើយ។
ថ្លែងក្នុងពិធីពិនិត្យការសាងសង់មន្ទីរពេទ្យជាតិតេជោសន្តិភាព នៅព្រឹកថ្ងៃទី១៩ ខែមករា ឆ្នាំ២០២៣ សម្ដេចតេជោ ហ៊ុន សែន ថា៖ «ពីថ្ងៃនេះទៅមិនលើកលែងមិនអត់ឱន តាំងពីក្រោមដល់លើ បើត្រូវវាយខ្នោះ គឺវ៉ៃក្នុងភ្លាម មិនត្រូវរញ៉េរញ៉ៃ។ [..] ឯងសមនឹងគុកអញប្រាប់អ្ហែង។ ត្រីនៅក្នុងកន្ត្រកអញចាប់ឯងចាក់កស៊ីវេលាក៏បានដែរ»។
សម្ដេចថាប្រតិកម្មរបស់សម្ដេចពេលនេះគឺចេញមកពីសម្ដីរបស់ក្រុមប្រឆាំង ដែលប្រមាទ និងវាយប្រហារបក្សប្រជាជនទើបធ្វើឱ្យសម្ដេចនិយាយបែបនេះ។
សម្ដេចថា៖ «បើអ្នកឯងមិននិយាយប៉ះគេតើគេទៅធ្វើឯណា»៕
ព័ត៌មានជាច្រើនទៀតសម្រាប់អ្នក
